يا سيدة لا

ياسيدة لا فايتانا وين مستعجلة

شرط امتحان ؟ ماانتى كملت الحلا

غلطات كتيرة الكمبيوتر بيعملا

ما قالو بيعرف كل شئ

مالو ماعرف الحلا

امكن سهي وامكن نسى وجاط الأسامي والنمر أو بهدلا

لو كان عرف كان ختا اسمك أولا

ومالوا العميد رأسو البليد

لو رفد المصحح والمعيد

أو خلي ست الناس تعيد

الجامعة بعدك كوم تراب

لا تنفع آداب لا اقتصاد لا فيها طب ولا صيدلة

الجامعة صبحت قاحلة

حزنت أماسيها ولياليها وكمان بتبكي أصايله

القمره وكتين اختفت

رحنا ليها بنسألا

قلنالها ليه يعني الغياب

وساعة الظلام ايه طولا؟

قالت خلاص بأرضكم ما لي صلة

انت كنت شان سيدة بجي وأضوي الديار وأجملا

فايتانا وين مستعجلة